O sui mai le Hamas, Isaraelu ma Amerika ua sauni nei e faia talanoaga i Aikupito i le vaiaso nei e faatatau i le sailia o se maliega autasi mo Gaza e fua i luga o le fuafuaga na faamatuu ane e Donald Trump i le vaiaso na tea nei.
Lipotia mai e le CNN o le faamatalaga na fai atu e le Peresitene o Amerika i le latou faatalanoaga e faapea, afai ae mumusu le Hamas i le fuafuaga e pei ona faataatia atu e Amerika o le a matuai lē lelei le tulaga e oo iai.
Ua valaau foi Trump ia Isaraelu ina ia taofia lē tumau ana osofaiga i Gaza ae sei faagasolo feutaga’iga.
E 20 ni mataupu tāua ua ave iai le faamuamua a Trump i se maliega e ono taunuu iai lenei mataupu ma o taeao lea ua lipotia ua faatulaga e amata ai loa feutaga’iga mo se filemu o Gaza.
Puna o Faamatalaga: https://edition.cnn.com/world/live-news/israel-gaza-hamas-trump-10-05-25
