O loo ua iai i Ausetalia nei le aunetipolo a Samoa o loo auai ai i le taamilosaga faasolo e faaigoaina o le Pacific Aus Sports Netball Series ma o loo faatautaia i le Gold Coast.
O le pulu A o loo faatulaga ai Samoa, Malawi, Fiti ma Papua Niu Kini. Pulu B o loo iai Tonga, Zambia, Singapore ma Kenya.
O le Aso Gafua o le vaiaso fou e amata ai le taamilosaga muamua o le a fetaui ai le ‘au a Samoa, Tifaimoana ma le ‘au a Papua Niu Kini ma e faasolo taaloga i le vaiaso atoa a o lumanai ma faaiu ai i finals i le Aso Toonai o le vaiaso fou.
O le a faasalalau tuusa’o ia taaloga e le Netball Australia TV.
