Ua le o toe mamao ona faataunuu loa lea o faigamalaga a le kamupani vaalele a le Vietjet lea ua fuafua o le a faia ai faigamalaga mai Melepone agai i Vietnam e amata ia Aperila.
Fai mai o le kamupani vaalele lea o le a faatolu ana faigamalaga i le va lea i le vaiaso ma o loo iai le fuafuaga mo nisi malaga faaopoopo i le agai atu i luma.
Saunoa ai le ofisa sili o le malaevaalele i Melepone, Lorie Argus, o le faalauiloaina o lea auaunaga o se tulaga lelei tele mo Ausetalia ma lona tamaoaiga.
O Vietnam le isi e aofia i maketi e lima pito i luga mo faigamalaga faavaomalo mo tamaiti aoga i le atunuu ae o se tasi foi o maketi tele mo tamaiti aoga faavaomalo mo Vitoria.
Sa fuafua e faalauiloa le kamupani vaalele lea i Ausetalia i le tolu tausaga talu ai peitai na toe tolopo ona o le koviti ma o lea la ua faia ai le faaiuga o le faagaioia o faigamalaga mai le malaevaalele a Melepone ae le o le Avalon Airport e pei ona fuafuaina muamua.
