Ole aso Faraile o le vaiaso nei ua taupoina mo le faamoemoe o le Polynesian Night Markets and Exhibition e faataunuuina ai foi le faalauiloaina o le auaunaga ma le tautua I tagata pasefika I Aukilani e pei ona tuufaatasia ai le faalauiloaina o oloa ma auaunaga a pisinisi pasefika.
Faailoa e le ofisa sili o le faalapotopotoga ale Polyx Ltd Zeprina Fale e ala ise pepa o faamatalaga, o le autu o lea aso We are bringing the islands to you ma o le The Trust Arena I Henderson lea ua faatulaga mo lea faamoemoe.
O maketi e pei ona Masani ai o le a toe faatulaga e tai tasi I le masina ona faia I Magele ma West Auckland amata ia Fepuali 2021 atoa ai ma faaaliga faaleaganuu o le a amata ile tausaga fou pe a toe tatala feoaiga faavaomalo.
O le 6 ile afiafi agai I le 10 I le po o le a avanoa ai lea faamoemoe I le aso faraile nei.
