O le siitia o le tau o le kiso ua atili faafaigata ai le soifuaga mo tagata o loo aumau i Chatham Islands lea e faamoemoe tasi i afi poo generators mo le eletise.
O le asō o loo feta’ua’ina ai se asiasiga a le tamaitai Palemia Jacinda Ardern i le motu lea ma ua valaau ai nei ona taitai mo se fesoasoani mai le malo mo se isi poloketi fou mo le eletise.
Na pau le afi eletise i luga o le motu lea o loo faagaioia i fossil fuels poo malosiaga e maua mai laau ma meaola ma ina ia suia lea tulaga e latou te manaomia ai le fesoasoani a le malo.
O le faamatalaga mai ia Noel Brown mai le Chatham Islands Enterprise Trust ua ta’ua ai o le siitia o le tau o le kiso ua matuai pāpā ai paketi a le toatele. O tagata e itiiti tupe maua e le taumate o le pili sa masani ona 200 i le masina ua faasolo atu nei i le 500 i le masina mo se faataitaiga.
Fai mai le One News o luga o le motu lea e na o le tasi le afi eltise e faaaogaina e le tusa ma le 700 o tagata. Ta’ua e Brown o loo iai se fuafuaga a taitai o le motu e fausia ni wind turbines ae ono oo lona tau i le 10 miliona.
