O le alii sa avea ma minisita o le faigāmalo a le National, Alfred Ngaro, o le a tauva o se sui mo le vaega faaupufai a le NZ First i le faigāpalota o loma nei, o se faasilasilaga lea na ia faia a o le’i aga’i atu Winston Peters mo lana State of Nation speech.
O le mea mālie ona e fai lana faasilasilaga, ae sa valaau ane nisi o le aofia na auai, Who are you? foliga mai e iai nisi i le aofia e latou te le’i malamalama poo ai lea sui, ina ua mavae sina folasaga puupuu a le sui faipule, ona taumafai ai lea o Ngaro e toe faailoa atili atu lona tagata.
O le lauga a Peters na ia toe faamautinoa atu ai i le vaega faaupufai, o le a aga’i le latou faalauiloa mo le palota, i le tuueseeseina o le energy gentailers, lona uiga, o le a tuu eseese le vaega o loo sapalaia le suāuu poo generators, mai ia i latou o loo faatauina atu le suāuu poo retailers; o le a lē toe mafai ai ona latou puleaina uma le power ma le tau o le power.
O se matāupu ua leva ona taumafai le sui ta’ita’i o le NZ First, Shane Jones e uuna’i ma le folafolaga o le itu lena o le a aga’i iai le latou faalauiloa faatosina poo le campaign mo le faigāpalota lea o le a loma nei.
E tele isi matāupu sa pa’i iai Peters i lana lauga, ae pei o le matāupu laualuga lea o le a faamatilatila i le latou faalauiloa.
Puna o Faamatalaga: https://www.newstalkzb.co.nz/news/politics/winston-peters-state-of-the-nation-former-national-minister-alfred-ngaro-to-stand-for-nz-first/
