O le maua ai o pusi i totonu o ato faafafa a tagata asiasi mai Aukilani a o iai i se tasi o paka i Mount Taranaki, ua sau ai ma le lapata’iga.
O meaola e aofia ai pusi e matua’i lē faatagaina i nofoaga nei e iai paka ona o le faaeteetega o le lamatia ai o manulele ma isi, peitai o lea na maua e le sui o le matagaluega o faasao tagata asiasi i le paka a Egmont National Park ma pusi e lua o loo avatu i totonu o ato faafafa.
I lipoti e foliga mai e le’i silafia e i latou nei e faasā.
Ua toe faamanatu mai ai e le matagaluega e faasā meaola i national parks seia vaganā ua iai se faatagana faapitoa poo se laisene.
E oo atu i le $800 le faasalaga tupe pe a maua, ae mo i latou e faaauau pea ona solia le tulafono o le a faasala loa i le faasalaga tupe e oo atu i le $100,000 poo le faasala i le falepuipui i le umi e oo atu i le tasi le tausaga.
E ese mai i lea e mafai foi ona aveese faamalosi mai le fagafao ma lē e ana.
