Ua faasolo atu i fugalaau o oketi faiga a le au gaoi. O le asō ua faailoa mai e silia ma le 100 laau o oketi ua gaoia mai se togalaau o le Botanical Garden i Perth.
O le nofoaga Kings Park and Botanical Garden lea na tupu ai lea tulaga ua maitauina ai e le aufaigaluega e silia ma le 400 king spider orchids ua gaoia ma isi ituaiga ua matuai eliina ma aveese mai lea nofoaga ae o oketi taugata foi.
O loo faia le suesuega ae foliga ua tauau ina agai ane i fugalaau le silasila a nisi o le au gaoi aua ua iloa foi ua taugata tau o laau ua faatau ai i lenei vaitau.
