O se afi tele ua sasao ane i se tasi o falegaosi oloa i Melepone ma ua lapataia ai tagata e aumau lalata ane ina ia nonofo i o latou fale mo le saogalemu.
O leoleo na fai la latou petolo ae iloa ai le afi lea ua sasao ane i le falegaosi oloa i Olive Grove i Keysborough i Melepone poo le tea laititi o le 5 i le vaveao analeila.
Pe a ma le 33 taavale a le fuimu na agai ane i le faalavelave lea ma o le lata i le 8 i le taeao analeila faatoa mafai ona tape le afi.
O loo faia nei suesuega a leoleo ae ua fautuaina tagata ia faaeteete ma ia faamuamua lo latou saogalemu ma ia tapunia faamalama ma faitotoa o fale.
O faaitu lalata ane e aofia ai Keysborough, Dandenong ma Dandenong South. E lei faailoa maia le mafuaaga o le afi ae e le o ta’ua foi pe iai se soifua o afaina ai.
