Ua amata nei ona valaauina e Isaraelu le faitau afe o ana fitafita faaleoleo mo le faalauteleina o a latou fuafuaga i totonu o Gaza.
Ua lipotia e le BBC se faamatalaga a le vaega’au o le puipuiga a Isaraelu ua ta’ua ai o le a faaopoopo lo latou malosi i totonu o Gaza, ma le faamoemoe e toe faafoi ane uma tagata ua ave faapagota i Gaza atoa ai ma le faato’ilaloina o le Hamas.
Fai mai o lalo o le fuafuaga lea o le a faaoo atu ai taumafaiga a Isaraelu i isi ogaeleele fou ma faaleagaina foi le si’omaga ma o loo faatalia se ioega mai le Kapeneta ina ia faatino ai ia fuafuaga.
Ua lē manuia taumafaiga faavaomalo sa faia mo se maliega e taunuu iai mo se filemu.
O loo faaauau pea lipoti o le faaitiitia o taumafa i Gaza faapea foi ma le suāvai ma vailaau mo togafitiga.
O le faailoa o nisi o nei popolega mai auaunaga o loo ofoina fesoasoani i totonu o Gaza ua fesiligia ai ma le faanaunauta’iga sa’o lava o le Palemia o Isaraelu, Benjamin Netanyahu ma ona faanaunauga moni mo Gaza.
Puna o Faamatalaga: https://www.bbc.com/news/articles/cm2e44y44gjo
