O tala o le maliega mo le taofia o fetauiga i totonu o Gaza, ua faalogoina e le to’atele ua afua ai feiloa’iga ma le fiafia i totonu o Gaza faapea foi ma Isaraelu, e ui i mafatiaga sa feagai ma o loo feagai pea ma latou.
Na folafola e le Peresetene o Amerika ua taunuu le ‘au negotiators poo i latou sa faatalanoaina le matāupu lea i se faai’uga ua malilie iai i le aso ananafi i talanoaga i Aikupito.
O le fuafuaga la e aofia ai le faasa’oloto muamua o pagota o taua o loo taofia pea e le Hamas atoa ma le aveesea mai o vaegā’au a Isaraelu i se tulaga ua malilie iai.
Fai mai nisi sui mai le atunuu o Qatar o loo aofia i fetuuna’iga ia o le maliega ua autasi iai o le a faamuta ai loa ma le taua, faasa’oloto pagota ma faaoo atu ai loa ma le fesoasoani i totonu o Gaza.
Ta’ua e le CNN o loo iai pea nai isi matāupu e lē o taoto lelei mo le taimi nei e aofia ai le lumana’i o Gaza ma lona puleaina.
Puna o Faamatalaga: https://edition.cnn.com/2025/10/09/middleeast/israel-hamas-ceasefire-plan-gaza-celebration-trepidation-intl-hnk
