Ua tumutumu le to’atele mo toe sauniga o lē sa avea ma ta’ita’i o le Hezbollah o Hasan Nasrallah lea na fasiotia i se osofa’iga a Isaraelu sa faia i Beirut i le masina o Setema o le tausaga talu ai.

Na vaaia tagata i lavalava uli o tumutumu ane i se stadium i fafo ane o le laumua o Lepanona, e faailoa ai lo latou faaaloalogia o Nasrallah aemaise foi le isi ta’ita’i na iai o le Hezbollah, Hashem Safieddine lea foi na fasiotia i se isi osofa’iga a lsaraelu.

O Nasralah o se tasi lea ta’ita’i iloga sa iai o le Shia Islamist Group ma ua faailoa e le BBC, na toe o ni nai itula amata toe sauniga o Nasrallah ae osofa’i loa e Isaraelu le itu i Saute o Lepanona.

Na taula’i lana osofa’iga i loketi ma i latou a le Hezbollah o loo tafanaina ane ia loketi.

Ua 64 tausaga o Nasrallah lea ua maliu ai.

Puna o faamatalaga: https://www.bbc.com/news/articles/c9vynvzwyw4o