Ua silia ma le 50 afe tagata Palesitina ua fasiotia i Gaza talu ona amata le taua i lea itu o Sasae Tutotonu ma ua faamaonia mai ia faamatalaga e le matāgaluega o le soifua mālōlōina a Gaza a o faaauau ai pea osofa’iga a Isaraelu ma ua lapata’i ane foi i nisi aso faigatā i le lumana’i.

Fai mai le matāgaluega, e 41 isi tagata ua maliliu i totonu o le 24 itula talu ai ma ua faailoa foi e le matāgaluega o le to’atele o i latou ua maliliu o tamaitai ma tamaiti ae ua faailoa foi e ono sili atu le numera sa’o o tagata ua maliliu auā e iai nisi e le’i maua lava ma ua tanumia i nofoaga na faaleagaina i osofa’iga.

O le aso 7 o Oketopa 2023 na amata ai e le Hamas le taua lea e ala i le osofa’ia o Isaraelu ma maliliu ai tagata Isaraelu e 1,200 ma ave faapagota ai ma nisi.

O le faamatalaga a le Palemia o Isaraelu, Benjamin Netanyahu ua ta’ua ai e fia faamautū i tagata uma, o lea faato’ā amata osofa’iga a Isaraelu.

Puna o Faamatalaga: https://edition.cnn.com/2025/03/23/middleeast/50-000-killed-in-gaza-since-start-of-israel-hamas-war-intl/index.html