O le a faasa’oloto ane e le Hamas tagata Isaraelu ma Amerika o loo latou ave faapagota, lea e talitonuina o le pagota lea e to’atasi o loo totoe e iai lona piitaga ia Amerika ma o se tasi lenei o taumafaiga ina ia taunuu i se maliega e taofia ai vevesi.
O le faai’uga ua faia a o lumana’i ai le malaga atu o Trump i atunuu i Sasae Tutotonu i le vaiaso nei.
Ua 70 aso o poloka pea e Isaraelu le faaulufale atu o fesoasoani mo Gaza.
Fai mai le ofisa o le Palemia o Isaraelu, ua faailoa atu e Amerika le naunauta’iga lea o le Hamas o le a faasa’oloto ane lea pagota.
O loo faailoa e le BBC o le tagata o loo taofia e le Hamas na soifua ane i Tel Aviv ae na tuputupua’e i New Jersey i Amerika, ua 21 tausaga ma sa tau i le taua i le tuaoi ma Gaza ae pu’eina ai e le Hamas i le aso 7 o Oketopa i le osofa’iga na faia faasaga ia Isaraelu.
O le faamatalaga mai ia Isaraelu e pei ona lipotia, o le latou fuafuaga o loo faia e aofia ai le ave o eleele ma fanua aemaise le tufatufaina o fesoasoani i Gaza.
Puna o Faamatalaga: https://www.bbc.com/news/articles/cx2q7749dxlo
