A itiiti mai pe ā ma le 27 tagata Palesitina ua fasiotia i se osofa’iga a Isaraelu i se a’oga i le itu i Matu o Gaza, o se nofoaga sa faamautū iai nai tagata ua valavala ma aiga talu ona amata vesiga i lea itu o le lalolagi.
Fai mai e to’atele isi o loo manunu’a.
O le faamatalaga mai le militeli a Isaraelu na faamatuu ane i le BBC ua ta’ua ai sa o latou osofa’ia tagata faatupu faalavelave a le Hamas sa iai i lea nofoaga ma e le’i ta’ua ane le iai o se a’oga i lea faaitu.
E to’a 97 isi tagata o loo faailoa foi e le soifua mālōlōina na fasiotia i isi osofa’iga a Isaraelu i le 24 itula talu ai.
Ua faailoa e le sooupu mo le Hamas i Gaza, Mahmoud Bassal o tamaiti ma tamaitai lea o loo aofia i le aumaliliu e pei ona lipotia.
O se pepa o faamatalaga mai le vaega o le Puipuiga a Isaraelu ua ta’ua ai o le nofoaga na o latou osofa’ia sa faaaogā e le autau a le Hamas e fuafua ai osofa’iga faasaga i tagata Isaraelu ma a latou vaega’au.
Puna o Faamatalaga: https://www.bbc.com/news/articles/cr4nlg6y5pxo
