Ua faamatala e le tagata e to’atasi e talitonuina e na o ia na sao mai i se osofa’iga i Gaza, le taimi na tupu ai le faalavelave ma maliliu ai nisi o le latou vaega o paramedics na o ane e faatino galuega fesoasoani i Gaza.

Fai mai lipoti o le osofa’iga a Isaraelu ua fasiotia ai paramedics ia e to’a 15 i le masina na te’a nei lea e sao mai ai na o le to’atasi ua ia faamatala i le BBC le mea na tupu.

O le faamatalaga mai le militeli a Isaraelu ua ta’ua ai na gaioi ana vaega’au ma osofa’i tagata ia ona sa masalomia le o ane a taavale e tapē uma molī ma e lei iai foi se fesoota’iga na faia atu ia i latou e ta’ua ai nisi o le augalulue lavea’i o loo aga’i atu.

Ua faailoa foi e Isaraelu o i latou ua maliliu o loo aofia ai ma le to’aiva o le Hamas ma nisi mai le Islamic Jihad a Palesitina.

E tetee lē na faasaoina, Munther Abed i mau a Isaraelu, fai mai a ia o tagata uma na maliliu e lē o ni sui o se kulupu militeli o le latou galuega na o atu ai o le lavea’i ma fesoasoani i tagata.

Puna o Faamatalaga: https://www.bbc.com/news/articles/ckgere1y740o