Ua sainia nei e le Peresetene o Amerika, Donald Trump ma isi ta’ita’i o le lalolagi le maliega e taofia ai vevesi i Gaza.
O lea maliega ua faataunuuina i Aikupito i le mae’a o se tautalaga na faia a Trump i le Palemene o Isaraelu.
Ua faatino ai foi i le aso ananafi ma le toe faafoiina ane o tagata e to’a 20 o Isaraelu na ave faapagota e le Hamas faatasi ai ma tino maliliu o tagata e to’afā na ave faapagota foi.
Pe ā ma le 250 tagata Palesitina na ave faapagotaina ma le silia ma le 1700 na taofia i Gaza, ua toe faafoi uma ane foi e pei ona lipotia e le CNN.
O se vaaiga ma lagona faamomoiloto e pei ona ta’ua i le lipoti ina ua toe feiloa’i i latou ia ma o latou aiga ua leva o valavala.
Fai mai o nisi o ta’ita’i o atunuu o le lalolagi na aofia i lea faamoemoe sa o latou faafetaia Trump ma lana faigāmalo a o mata’itū ai pea e le tele o atunuu le tulaga tonu o le a iai Gaza ae poo le ā foi le faatinoina o le vaegā’au faavaomalo e pei ona folafola e Trump o le a aga’i ane e faamautū mea uma i Gaza.
Puna o Faamatalaga: https://edition.cnn.com/world/live-news/israel-hamas-gaza-hostages-ceasefire-10-13-25
