Ua aga atu nei le Peresetene o Amerika, Donald Trump mo Sasae Tutotonu ona o le aso ua faamoemoe e faasa’oloto ai pagota Isaraelu e to’a 20 mai Gaza atoa ma nisi fetuuna’iga o le vaega muamua o le maliega i le va o isaraelu ma le Hamas i Gaza.
E lata i le 2 afe pagota Palesitina o le a faasa’olotoina foi e pei ona lipotia e le CNN i lalo lava o lea maliega.
Fai mai o le a faia se lauga a le Peresetene o Donald Trump
i le Palemene a Isaraelu ma faia foi sa la feiloa’iga ma le Palemia o Netanyahu ma aiga o i latou na ave faapagotaina.
A mae’a lea ona faia lea o se feiloa’iga a le alii Peresetene ma ta’ita’i mai le silia ma le 20 o atunuu i le fonotaga e faia i Aikupito e faatatau i le lumana’i o Gaza.
O loo iai lipoti o loo taua ai le gaioi o le Hamas e faamautū le latou pulega i isi vaega o Gaza e le’i nofoia e vaegā’au a Isaraelu.
Puna o Faamatalaga: https://edition.cnn.com/world/live-news/israel-hamas-gaza-ceasefire-hostages-10-12-25
