O le malae i Rotorua lea ua lipotia o le a faataunuu ai le isi taaloga e sosoo ai a le Manu Samoa, o le a taaalo ai ma le ‘au a Fiti i le masina o Setema o le tausaga nei.
O loo faagasolo galuega i le malaetaalo i le Apia Park ae ua faailoa o se taaloga tāua tele lea mo ‘au uma e lua a o sauni ai mo taaloga i le Northern Hemisphere i le faai’uga o le tausaga nei ma faaauau ai tapenaga mo le Ipu a le Lalolagi i le lakapi i le 2027.
O taaloga a Fiti e aofia ai le fetauiga ma Egelani ma Farani ia Novema ae o Samoa ua faatulaga e taaalo ma Italia i le aso 23 o Novema lava.
Sa faailoa e le Ofisa Sili o le lakapi i Samoa i se pepa o faamatalaga, Seumanu Douglas Ngau Chun, e na te iloa o le a iai le lagolago mai komiuniti o le Pasefika i Niu Sila i le taaloga lea ma ua nofo sauni foi iai le Ofisa Sili o le lakapi a Fiti, Roverto Navacalevu ma lana ‘au mo lea fetauiga faavaomalo i le va o le Manu ma le ‘au a Fiti.
Puna o Faamatalaga: https://www.rnz.co.nz/news/sport/559579/manu-samoa-to-have-home-rugby-test-against-fiji-in-rotorua
