Ua lē manuia le taumafai o le ‘ausoka a Samoa i lalo o le 17 tausaga le matutua i le itupa o tama’ita’i ina ua faia’ina ia Kanata i le taamilosaga o le Ipu o le Lalolagi o loo faagasolo.
E ta le ‘afa o le taaloga o loo sili ‘ai o Kanata 2-0 Samoa ae o ‘ai faai’u o le taaloga, Kanata e 6 Samoa e leai.
Ta’ua e le faia’oga o le ‘au i le RNZ, e ui o se faia’ina peita’i o se malo lava mo Samoa auā o ‘au ia e taaalo ma Samoa o ‘au tetele o le lalolagi ma o le a faaauau pea ona a’oa’o mai lesona mai ia taaloga mo le aga’i luma.
O le taaloga mulimuli a Samoa i Pool games e fetaui ai ma Nigeria ma e mana’omia ona maua ai sa latou malo ina ia sao ai i le pa’ū ma nofo.
O lea taaloga e faia i le taeao o le Aso Sa o muamua i le ta o le 5 i le vaveao, taimi Samoa.
Puna o Faamatalaga: https://www.rnz.co.nz/international/pacific-news/576823/samoa-beaten-by-canada-at-fifa-u-17-women-s-world-cup
