E 6 suiga ua faia e le pulega a le Manu Samoa mo lana ‘au lea ua sauni e fetaui ma Belgium i le taaloga faai’u e sa’ili ai so latou avanoa mo le Ipu o le Lalolagi 2027.
O suiga mai le ‘au sa taaalo talu ai ma Namibia ma malo ai.
E tulaga lelei sona tulaga e iai i le Ipu o le Lalolagi pe afai ae malo i le taaloga lea ma o suiga ua faia e pei ona faamaonia ane e le faia’oga, Lemalu Tusi Pisi, o le laina i luma o le a amata ai le hooker o Millennium Sanerivi ma props o Titi Lamositele ma Michael Alaalatoa.
O le a faasee ane Sama Malolo, Scott Sio ma Tietie Tuimauga i le faaleoleo.
O Ben Neenee le isi o le a taalo i le flanker ma Melani Nanai o le a suitulaga ia Tumua Manu i le centre.
O le alo o le alii taalo lauiloa o Sir Michael Jones, o Niko Jones o le a taalo foi ma e to’atele e manatu ua i se ta’otoga lelei le ‘au ma e mana’omia lava le mālō.
O le taaloga o le a faia i le aso a taeao i le 4.30am taimi Niu Sila i le Sevens Stadium i Dubai.
Puna o Faamatalaga: https://www.rnz.co.nz/international/pacific-news/579209/samoa-ring-changes-for-winner-take-all-rugby-world-cup-qualification-clash
