Ua faamautū nei se maliega o fefaataua’iga sa’oloto i le va o Ausetalia ma Europa lea fai mai le faigāmalo a Ausetalia o le a faaopoopo ai le 10 piliona i le tausaga i le tamaoaiga o le atunuu.
Fai mai le 9News ua iai fetuuna’iga ua faatulaga i lalo o lea maliega e aofia ai ma le aveesea o le luxury car tax lea e mātele ina aafia ai le au gaosi taavale mai Europa.
O le Palemia o Ausetalia Anthony Albanese na sainia lea maliega faatasi ma le Peresetene o le Iuni a Europa o Ursula Von der Leyen i le Palemene i le taeao analeila.
Fai mai Albanese e tau faitutusa uma le manuia o itu e lua i lenei maliega, e aveesea ai totogi faaopoopo poo tariffs i oloa e auina i fafo a Ausetalia e pei o le povi fasi, mamoe aemaise oloa e pei o le alaisa ma le suka ma isi.
Na amata mai feutana’iga o lenei maliega i le 2018 ae o lea faato’ā faamautūina.
Puna o Faamatalaga: https://www.9news.com.au/national/australia-europe-free-trade-deal/97d5db5c-e8bd-4003-94ee-0c3b9df37ba0
