Ua sainia e Niu Sila se maliega ma Iapani e faamalosia atili ai le galulue faatasi i le Pasefika.
O le minisita o le puipuiga a Niu Sila o Andrew Little ma le Minisita o le puipuiga a Iapani o Yasukazu Hamada na sainia le maliega lea i le faletalimalo o le Shangri La i Singapore i le amataga o lenei vaiaso.
Fai mai le minisita o Little i se faatalanoaga o le naunautaiga lea ia galulue faatasi ma o le maliega ua sainia nei o se maliega faamiliteli ma o le iuga lea o ni faatalanoaga sa faia mo le lua tausaga i le va o atunuu e lua.
E le o aofia ai i le maliega le faia o ni faataitaiga faamiliteli.
O Korea i Matu lea sa faataitai ana missiles ma masani ona pa’ūū agai i ogasami o Iapani i le tausaga na tea nei.
Sa faufau lava foi sootaga o Iapani ma le Quad lea e aofia ai Amerika, Initia ma Ausetalia aemaise foi le sootaga ma le NATO.
