Ua faamaonia mai le saini e le Crusaders o le alii taalo mai le Wallabies, o James O’Connor mo le taamilosaga o le Super Rugby Pacific i le tausaga fou 2025.
O O’Connor ua 34 tausaga ma e 64 ana taaloga faavaomalo mo Ausetalia ma ua silia i le 120 ana taaloga i le Super Rugby.
E manatu le to’atele o le a fesoasoani le aga’i ane o O’Connor i le Crusaders mo se fesoasoani i le tulaga first five talu ona aga’i ese Richie Moounga i Iapani ma le isi alii o Fergus Burke i Saracens.
Ua faailoa e le NZ Herald e lē o mautū o OConnor o le a taalo i le Numera 10 ae ua faailoa e le alii taalo ua fiafia tele o le a faata’ita’i foi i lea siomaga fou.
Ua fiafia le alii faia’oga o le ‘au, Rob Penney i le sainia o O’Connor fai mai a ia o se alii taalo faavaomalo e tele lona silafia i le taaloga.
Puna o Faamatalaga: https://www.nzherald.co.nz/sport/rugby/super-rugby/crusaders-sign-wallabies-star-james-oconnor-for-2025-super-rugby-pacific-campaign/AS3QOVGW2NBPDBSZVEDDUZ5L7U/
