Ua taunuu le ta’ita’i o Saina, Xi Yingping i Moscow, Lusia mo lana malaga e 4 aso o le a auai ai i le faailogaina o le 80 tausaga talu ona malo vaega’au soofaatasi i le Taua Lona Lua o le Lalolagi na faato’ilalo ai le Nazis a Siamani.
O le auai ai o Yingping i le malaga lea i Lusia ua iloa ai le tutū faatasi o ia atunuu e lua aemaise sa faamaonia i faamatalaga a Putin sa faia i le vaiaso talu ai na ia ta’ua ai o Yingpin o lana malo faaaloalogia autū lea i ia sauniga.
I se pepa o faamatalaga foi mai le ta’ita’i o Saina ua ia ta’ua ai, o Lusia ma Saina o ni tuaoi nofo lelei ma lelei le la faigauō ma o le a galulue faatasi foi.
O isi ta’ita’i o loo auai ai foi i sauniga ia a Lusia e aofia ai le Peresetene o Brazil, Vietnam ma Belaruz.
Ua folafola ai foi e Vladimir Putin aso e 3 o le a mālōlō ai fetauiga i Kyiv e ui o loo tetee iai le ta’ita’i o Ukraine, Volodymyr Zelensky.
Puna o Faamatalaga: https://edition.cnn.com/2025/05/06/europe/china-russia-xi-putin-victory-day-hnk-intl
