Ua lapata’ia e Saina ona tagata e faatatau i le faimalaga ai i Iapani ona o se matāupu ua faia ai ni faamatalaga a le Palemia o le atunuu e faatatau i le motu o Taiwan.
O le matāupu lea e pei ona lipotia e le CNN ua faia ai ni faamatalaga a le Palemia fou o Iapani, Sanae Takaichi e faatatau ia Iapani ma e foliga ua atili lē lelei ai le sootaga ma Saina.
Ina ua mae’a faailoa ane le lapata’iga lea a Saina, ua vaaia faasalalauga i luga o upega tafa’ilagi a kamupani vaalele a Saina e aofia ai le Air China, China Eastern ma le China Southern ua ofo ane i pasese le toe faafoi ane o a latou tupe mai faigāmalaga aga’i i Iapani.
O faamatalaga a le tamaita’i Palemia o Iapani na ia ta’ua ai o se osofa’iga a Saina ia Taiwan o le a faitauina o se gaioiga faamata’u ia Iapani ma e ono tali atu iai le militeli i Tokyo.
E maumaua’i lava Saina o Taiwan o se tasi o ona teritori ma o loo fuafua latou te puleaina e tusa pe faaaogā ai lona malosi.
Puna o Faamatalaga: https://edition.cnn.com/2025/11/15/china/china-japan-taiwan-takaichi-intl-hnk
