Fai mai le sooupu a le matagaluega o le va i fafo a Saina o Guo Jiakun o le mafutaga a Saina ma le Atu Kuki e lē tatau ona faalavelavea e se isi vaega.
I le tali ane a le sooupu lea i fesili mai le autusitala e uiga i popolega o le malo o Niu Sila e faatatau i le malaga ane o le Palemia o le Atu Kuki o Mark Brown i Beijing i le vaiaso nei ua ta’ua ai e le sooupu o le Atu Kuki o se paaga tāua a Saina i le Pasefika, ma ua sauni foi Saina e galulue faatasi ma le Atu Kuki i sootaga faaupufai o malo.
Fai mai le sooupu e sau le taimi e mafai ai ona faailoa mai faamaumauga o le asiasiga a le alii Palemia o le Atu Kuki i lo latou atunuu.
Puna o Faamatalaga: https://www.rnz.co.nz/international/pacific-news/541503/china-cook-islands-relationship-with-beijing-should-not-be-restrained
