E to’atele e manatu e i’u lava ina faifaitetele le matāupu i totonu o Saina lea na lipotia atu muamua ua pu’eina ai tagata e to’a 30 mai se Ekalesia Kerisiano i Saina.
O se lipoti aupito lata mai i lenei matāupu ua faailoa ai e le BBC se faatalanoaga ma le afafine o le faifeau o le aulotu lea a le Zion Church, na ta’ua ai e Grace Jin Drexel na maua ane lana text mai lona tamā le faifeau lea o Jin Mingri ina ia tatalo mo se tasi o faifeau a le lotu ua taofia e leoleo a o asiasi atu i le itu i Saute o Shezhen
O le manatu o le to’atele o le amataga lenei o se matāupu tele o le a tula’i mai i Saina ma underground churches.
O loo ta’ua i le lipoti e iai se tulafono fou na pasia i Saina e aga’i tonu i ekalesia faapea i Saina.
O loo pulea le atunuu e le CCP le Chinese Communist Party ae to’atele lava se vaega o tagata Kerisiano i Saina ma ua fai si tele o taimi ua tapu’eina ai, ae fai mai se faamatalaga mai ia i latou ua pu’eina, o faiga faapea e lē mafai ona faaleagaina ai le Ekalesia ma afai ae toe tepa i le tuana’i, o taimi uma e iai le taotaomia o lagona, e iai foi ma le toe faaolaolaina, revival.
Puna o Faamatalaga: https://www.bbc.com/news/articles/cx2pez2vg8wo
