A o faaauau ai finauga i le taua o fefaataua’iga a le lalolagi aemaise lava i le va o Amerika ma Saina, ua lipotia i le asō e le CNN ua faatapulaa e Saina le aofa’i o ata tifaga Amerika e ave atu i lo latou atunuu atoa ai ma le tuuina o le 84 pasene o totogi faaopoopo poo tariffs i oloa a Amerika e aveina atu i Saina.
O le aso ananafi na maua ai sina mapusaga mo le tele o atunuu ina ua taofia mo le 90 aso e Trump le tuuina o pasene tetele o totogi faaopoopo ia i le tele o atunuu se’i vaganā ai Saina.
Sa fai se faamatalaga a Trump i lana vaega, o Saina e tatau ona muamua gaioi atu i le mataupu lea ma talosaga atu mo se faamāmā avega i totogi i oloa ua maualuga le pasene ua tuu iai e Amerika peitai e foliga mai e oo mai i le asō e lē o iai lava ma se gaioiga faapea a Saina o faia.
Puna o Faamatalaga: https://edition.cnn.com/2025/04/10/politics/trump-xi-china-tariffs/index.html
