E ui i popolega i lo la saogalemu ae ua lapatai mai pea leoleo a Ausetalia i le atunuu ina ia aua ne’i aga’i iai se isi i se tamaitai talavou o loo tau sailia nei fai mai o loo tau sailia mai i le faaitu o Toowoomba.
O le faamatalaga e pei ona lipotia mai i le 7News i le asō ua ta’ua ai o le teineititi 5 tausaga o loo tau sailia e mai Kuiniselani faaasi ai ma le tamaitai talavou lea ae ua lapatai leoleo i le atunuu ina ia aua ne’i agai iai se isi.
O le tamaitai talavou 23 tausaga ma le teineititi ua ta’ua na mulimuli vaaia o loo oese mai se tuatusi i Andrew Street i St George i le aso 21 o le masina lenei i le aoauli ae faamatalaina le tamaitai e lauulu pupuu enaena ma o loo ono malaga ane i se Holden Captiva lanu auro tausaga 2009 e pei ona faailoa e leoleo.
O le taavale e laisene Kuiniselani 784KZH. E talitonu o laua ma le teineititi 5 tausaga o loo malaga aga’i mai i Niu Sa Uelese ma o loo iai popolega o leoleo i le soifua mālōlōina o le tamaitai ae talosagaina le atunuu ina ia vili le 000 pe a silafia pe vaai foi iai se tasi.
