Ua oo atu i le $5,027 le tupe ua maua i le sailiga tupe ua faia e fesoasoani ai i le saiila o le tamā e suafa ia Thomas Phillips ma lana fanau e toatolu lea o loo tau sailia pea.
Sa tuuina e leoleo se poloaiga e pueina ai Philips ina ua le tulai i le faamasinoga ina ua valaauina i le moliaga o le faamaumau o le taimi o leoleo i le uluai taimi na tau sailia ai foi.
Ua fai si umi o tau sailia pea lea tama ma lana fanau e toatolu ma o le itulau sailitupe lea sa faia e le teineititi matua o Storm Dawson ma ua maua ai lea vaegatupe ina ua tapunia i le aso ananafi.
Ma fai mai Dawson o le tupe o le a faaaoga mo se taui o ni faamatalaga e faatatau i e o loo sailia.
O le masina o Tesema o le tausaga talu ai na leiloloa ai foi Phillips ma lana fanau ma e lei auai ai foi i lona faamasinoga ina ua valaauina ma fai mai leoleo e iai le talitonuga o loo iai pea le aiga lea i le atunuu ma e foliga o loo faaaoga ni igoa ese.
