O loo faagasolo nei su’esu’ega a leoleo i le faalavelave na valaau ane ai foi i latou i le taeaopo analeila i le mall i West Auckland ona o lipoti o nisi ua ulufale faasolitulafono i le nofoaga. 

O le au gaoi na agai ese ma oloa e pei o matatioata ma jewelleries ma sa sosola ese i ni taavale na faaaogāna. I se pepa o faamatalaga mai leoleo i le mataupu lea ua ta’ua ai o loo faia nei le su’esu’ega ma iloilo meapueata a le CCTV mo le faamautuina o i latou na faatinoina lea solitulafono.  

Ua talosagaina e leoleo le atunuu ina ia fesoasoani ane i le su’esu’ega pe afai e silafia ni faamatalaga e tusa o nei osofaiga ma ia valaau ane i le laina a leoleo i le 105 poo le valaau sao i le crime stoppers i le 0800 555 111.