Ua sailia nei e le Auckland Transport se isi kamupani vaa e faaauauina faigamalaga a le Fullers lea ua fai mai o le a lē toe oo iai mai le aso muamua o Oketopa.
O vaa feoai i le sami agai atu i Bayswater ma Birkenhead lea ua fai mai le Fullers o le a lē toe iai ni malaga a vaa e o iai ona o le utiuti o le aufaigaluega.
Ua sau i le taimi o loo tau sailia foi e le Auckland Transport se isi e na te faaaogāina vaa fou e alu i le eletise a le Auckland Transport lea o loo fau i le taimi nei.
O le tausaga fou lea o loo faamoemoe e amata faataitai ai vaa e alu i le eletise a le Auckland Transport ae e lei faaaogāina e pasese i le 2025.
A o faia ai sailiiliga a le Auckland Transport, mai se tasi o councillor i Aukilani o ia foi o le faatonu o le komiti o femalagaa’iga John Watson, ua oo i le taimi ua tatau ai ona aumai se isi pulega vaa fou.
