Ua lipotia mai nei le ono toe faauauau ai o galuega tau sa’ili a auaunaga o leoleo ma ana paaaga o se alii na leiloa mai i le Aso Lulu a o taumafai e sopo’ia le isi ituala i lana taavale, ae peita’i o le aave tele o le vai, lea na tafea ai o ia a o i totonu o le taavale.
Ta’ua na tula’i mai lenei faalavelave i Mahurangi River Warkworth ma e faapea o le tagata na la malaga faatasi atu i le taavale, na sao mai i fafo lea na ia logoina sui ma auaunaga o faalavelave tutupu faafuase’i i le mea ua tupu.
Faamauina le faatino ai e leoleo o se galuega tau sa’ili mo le aso atoa o le Aso Lulu, ina ua valaau atu mo se fesoasoani i le toe 19 minute i le itula e 8 i le taeao.
Māua le faatino ai e leoleo o nisi o siaki i nisi o nofoaga i le po atoa, peita’i e le’i maua lava o ia.
Faamanino le toe faaauau ai o le galuega tau sa’ili pe a vaaia le māui ai i lalo o le vai ma saogalemū mo a latou tagata galulue e aga’i e faatino le galuega, māua foi le faaaogā ai o le helikopa le Police Eagle mo lea galuega.
Faamauina i se pepa o faamatalaga mai leoleo, o lē o loo tau sa’ilia o se alii e 40 tausaga le matua, ma o se tasi o tagata mai le pitonuu o Mahurangi, ma ua faaalia e leoleo lo latou fesoota’i pea ma aiga o lenei alii.
Puna o Faamatalaga: https://www.police.govt.nz/news/release/warkworth-search-man-remains-missing-overnight
