Ua silasila nei le Malo e toe faia ni tauofoga poo tender e saili ai nisi auaunaga tuma’oti e latou te faaulufale i le atunuu oloa o le suauu ma penisinisi, faapea nisi auaunaga e faatauina i le lautele o le atunuu ia oloa.
Ua faailoa e le Minisita o Tupe i se lipoti lea fuafuaga i le silasila mamao a le faigamalo e faatauva le faatauina i le atunuu o suauu ma penisinisi e tau alu ifo ai i lalo le tau i lenei taimi ua maualuga tele ai le tau o ia oloa manaomia.
O le taimi nei e tasi lava le kamupani o loo aumaia ma faatau i tua suauu ma penisini. Ae mo le tau fou o le masina lenei o Iulai o lea ua faaauau tau mai le masina o Iuni ma le faamoemoe o le a ta’i lua masina ma faia suiga a o mata’itu ai pea i le taimi nei le siita’i o tau o lenei oloa i le lalolagi.
