O le faaiuga o le vaiaso o le a feiloai ai le ‘au malosi a le Chiefs Manawa ma le ‘au a le Matatū e saili ai le siamupini mo lea taamilosaga a le Super Rugby Aupiki. 

Na faamaonia le saofagā atu ai o le Chief Manawa i le sailiga siamupini ina ua  latou faatoilaloina le ‘au a le Hurricanes Poua i le aso ananafi i ‘ai e 43 i le 21. 

Ae mo le ‘au a Matatū na maoa’e le latou taumafaiga ma o latou manumalo ai i le la taaloga ma le ‘au a le Blues i ‘ai e 26 i le 23. 

O lea la ua mautinoa ai loa avanoa o ‘au ia e lua e saili poo ai o le a sola ma le siamupini o le taamilosaga Super Rugby Aupiki o lenei tausaga.