Ua iai le fuafuaga a le kamupani a le Moderna e faalautele ma amata loa ana faataitaiga mo nisi vailaau mo puipuiga e agai tonu i isi ituaiga vairusi e 15 e ono pepesi ai nisi ituaiga faamai tetele, mae faamoemoe e oo atu I le 2025 ua faatauuuina lea tulaga.
O le kamupani tele lenei a Amerika ua o latou faailoa foi o le a faaavanoa ana faiga faatekonolosi mo tagata suesue uma o loo galulue I nisi vailaau e tali atu ai ile toe aliae mai o nisi foi faamai.
Ua faailoa le folafolaga e le Moderna ile amataga o le vaiaso nei ao lumanai ai le Global Pandemic Preparedness Summit lea e lagolago e le UK ma isi atunuu. Taua ile lipoti ua amata galulue foi le Moderna ma isi ana paaga mo le tuufaatasia o nisi o vailaau mo puipuiga mai siama e pei o le chikungunya, dengue fever, ebola, malaria ma isi .
