O loo faatalia se isi lipoti a leoleo mai Brisbane i se faalavelave na o latou sailia ai se tagata na alu atu ma se fana i se kapaka e lata i le malaevaalele i Brisbane ma feta’ua’ina ai lona fanaina o se isi tagata a o  lei sola ese i se taavale. 

Fai mai leoleo o le avetaavale na misa ma se tasi alii sa i fafo ane o le vaega na iai le taavale ao lei taina le ono i le afiafi ananafi.

Fai mai se sooupu a leoleo e talitonuina o le tagata lea sa i fafo mai o le taavale na fana e le alii sa i totonu o le taavale ma agai ese ai loa le taavale.

O lē na manu’a na aveeseina mai le kapaka ma aveina atu i le falemai mo togafitiga. 

Ta’ua e leoleo e lē tigaina ona manu’aga ma e lei iai foi se faamata’u i tagata lautele mai lea faalavelave ae o loo galulue nei i le sailia o le tagata na agai atu ma le fana.