O loo silasila nei Ausetalia i tagata faigaluega mai le Pasefika e faatumuina avanoa o galuega i le atunuu aemaise lava i le aged care poo le tausiga o tagata matutua. 

Ua faalautele nei le Pacific Australian Labour Mobility Scheme a Ausetalia le PALM e faaaofia ai ma le auaunaga lea faapea foi taligamalo ma le turisi.

Fai mai se lipoti mai le Committee for Economic Development a Ausetalia e mana’omia ona sailia e le atunuu nisi tagata faigaluega pe 35 afe i le auaunaga lea i tausaga ta’itasi. 

I Western Australia e to’aono tamaitai mai Fiti ua faafaigaluegaina i le auaunaga lava lea, o latou tagata faigaluega muamua ua taunuu ane i lalo o le maliega lea a Ausetalia e faapuupuu o le Palm.