Ua lipotia le valaau ane o leoleo e tuaoi i se fale i Taranaki i le mae’a o se vevesi na tulai mai i lea fale i le te’a o le 12 i le vaveao analeila, ave atu ai se alii talavou i le falemai ma maliu ai lava mulimuli ane.
Fai mai le RNZ o loo galulue nei leoleo i le suesueina o lea faalavelave ae 25 tausaga o se alii na pu’eina mai le nofoaga na tupu ai le faalavelave ma ua molia ma e tulai i le faamasinoga i le asō.
Na faailoa e le leoleo asiasi o Brent Matuku i le RNZ, o lipoti o le vevesi lea na maua ane mai tuaoi o lea fale ma o loo fia maua foi nisi e silafia nisi faamatalaga i le faalavelave.
Fai mai leoleo e lē o iai ni faamaoniga e aofia ni kegi i lea mataupu peitai o loo faaauau pea le suesuega.
Puna o Faamatalaga: https://www.rnz.co.nz/news/national/523551/25-year-old-arrested-after-man-dies-in-fight-at-taranaki-home
