Toeitiiti 200kkm i le itula le saosaoa o le alu a le taavale na sosola ane ai ni talavou se toalima i luga o le motorway i Aukilani i le vaveao ananafi a o sosola ese mai ma leoleo.
Na lipotia i le Newshub o talavou ia e toalima, tai 15 ma le 16 tausaga le matutua na agai ane i Pah Road i Royal Oak, taofi atu ai e le petolō a leoleo poo le tea o le ‘afa o le tolu i le vaveao ae sosola ese ai.
Na faatoa maua e le vaalele helicopter a leoleo i se taimi mulimuli ane ua alu i le saosaoa lea pe 180km i le itula i luga o le SH16, agai ane ai loa i Great North Rd ae poloka ai loa e leoleo le taavale i New Lynn ma tia’i ai le taavale i Avondale ae sosola.
Peitai ane na toe maua uma e leoleo i se nofoaga lata ane ma o loo faia nei suesuega.
