O gaioiga masalomia a se tasi alii i se lotu i le itu i Sasae o Sini ua pu’e ai e leoleo ma faia iai suesuega.
Na faailoa e le 9News na valaau ane leoleo i le auala o New South Head Road i Rose Bay poo le ‘afa o le ono i le afiafi o le Aso Sa na te’a nei, na faatalanoa e leoleo lea alii e 36 tausaga ma iloa ai na agai atu ma se capsicum spray ma se auupega e aofia ai se naifi.
Na pu’e mai ai loa e leoleo ma ave i lo latou ofisa i Waverley ma molia ai.
Ua toe tatala i tua ae tulai i le faamasinoga i Downing Centre i le aso 26 o Iulai.
O le ekalesia a le St Mary Magdalene i Rose Bay lea na agai iai le tagata lea ma ua faailoa i le lipoti pe ā ma le 150 tagata lotu sa iai i le tapuaiga lea i le aso na se’i mavae atu.
Puna o Faamatalaga: https://www.9news.com.au/national/man-arrested-after-acting-suspiciously-outside-rose-bay-church/9436d21c-100e-4cd9-bd91-1662844a9c96
