Ua pue e leoleo se alii e pei ona taua e leoleo I le facebook ma o lea alii sa o latou sailia muamua ona o ni osofaiga sa fetauaina ai peitai na toe sailia foi e leoleo I se mataupu e aofia ai seevae o tamaitai sa ia gaoia.
Ile ZB o loo taua ai ole alii lea e 21 tausaga le matua na pueina ona o ni mataupu se lua sa fetauaina o loo aofia ai lea sa faasalalauina I luga o le Police ten 7 I le masina talu ai ma o loo fetauaina foi sa ia mulimulitai I tamaitai I totonu o se tasi fale ma osofaia ai tamaitai I le hallway ae sola ese ma seevae o tamaitai ia.
O le osofaiga muamua e pei ona fetauaina sa tupu I se apartment I Wakefield Street I le aso 2 o Iuni ma o loo maua lelei lona ata I meapueata a le fale lea ma le taimi na sola ai ma leisi seevae ole tamaitai peitai na fesagai ma isi tagata e nonofo ai I le building lea ma toe faafoi ane ai le seevae ae lei alu ese.
O le taimi nei la ua pueina e leoleo ma o loo faagasolo suesuega.
