E to’alima alii ua pu’eina e leoleo i le mae’a le osofa’ia o ni alii se to’alua e pei ona feta’uaina sa faamata’u foi i ni auupega o naifi tulou i le ogatotonu o Melepone.
O le osofa’iga pei ona lipotia e le 9NEWS, na tupu i Carlton i le Aso Gafua ma ua faailoa o alii na agai iai le osofa’iga e le’i faamanu’alia ai ma e taunuu atu leoleo ua sosola ese le aualii ia na faatupuina le faalavelave.
Peitai na maua mulimuli ane e leoleo i se taavale i le fetaula’iga ala i Dryburgh ma Arden i le itu i Matu o Melepone.
O le to’alima lea e amata mai le ta’i 20 -26 tausaga le matutua. O loo faaauau pea su’esu’ega i le taimi nei ae poo le ā foi le mafuaaga o lenei faalavelave.
