E to’alima alii ua pu’e e leoleo i le mae’a o tuliga ma leoleo i le itu i Saute i Sasae o Melepone i le po anapo.

Fai mai leoleo e talitonuina o le kulupu lea sa i totonu o se minivan na fai ane ni a latou faamata’u i nisi sa iai i se fale i Cranbourne North a o le’i taumafai e ulufale ane i lea nofoaga, ina ua lē mafai ona aga’i i totonu na o latou e ui ane loa i tuāfale ma aveesea mai ai se uila, dirt bike ma vaaia foi le iai o se isi taavale o le ituaiga o le Ford Territory na o ane faatasi ma le minivan.

E 49 tausaga o le avetaavale o le Ford Territory na pu’e e leoleo, pu’e ai foi ma alii e to’afā mai le minivan ma o loo faagasolo le su’esu’ega.

E manatu leoleo sa fuafuaina lelei le osofa’iga a i latou ia i le nofoaga na tupu ai le faalavelave.

Puna o Faamatalaga: https://www.9news.com.au/national/cranbourne-north-five-men-arrested-after-minibus-chase-across-melbourne/f42ead3f-685b-400d-8a53-9c59d012bacf