Ua maualuga le ono lamatia o le komiuniti I totonu o Niu Sila mai le isi vairusi fou o le Koviti mai le United Kingdom

O le saunoaga lea a le tagata suesue sinia tau I le soifua maloloina, Michael Baker I le maea faailoa mai ananafi o le 31 cases fou I totonu o Niu Sila

O I latou uma nei o loo faanofoesea, ma I totonu o le fa vaiaso talu ai ua oo atu I le 19 I latou ua faamaonia o loo o latou aumaia le ituaiga vairusi fou o le Koviti lea e faapea e vave tele lona pepesi

E ui e le o iai se community case I le taimi nei atoa ma faamatalga mai le soifua maloloina o loo malu tagata galulue I nofoaga o loo feagai ai ma I latou mai fafo, ae talitonu Baker o loo maualuga le tulaga ono lamatia o le soifua o tagata o le komiuniti, ma ua tatau ai I le malo ona taofi nei loa I latou faimalaga mai Amerika ma le United Kingdom

Fautua ai foi ma le alii suesue ia I latou o loo sauni e toe foi mai pe malaga mai I Niu Sila I le tatau ona taumafai malosi e nonofo I le fale I le vaiaso a’o tapena e aga’I mai

O le 11 o I latou nei faatoa taunuu mai I le Aso Lulu o le vaiaso talu ai, ma o le to’a31 na faailoa mai ananafi o I latou na taunuu mai Initia, United Kingdom, Zimbabwe, Austria, Lusia, Polani, Ukraine ma Amerika

O I latou ua faamaonia o loo faanofoesea I Aukilani, Hamiltone ma Kalaiesetete