Ua iai le popolega o le aafia o le soifua maloloina o tagata mai palapala to’a ma otaota ua faaputu mai le afā.
O le tele o le otaota na aumai e lologa ma le palapala i Hawke’s Bay ma Gisborne e le gata ua manogi leaga ae e le o tele se galuega e mafai ona faia iai ona o loo tau faasoa le suavai.
I faatusatusaga e faapea e ono oo atu i le selau afe mita o otaota to’a e moomia le faamamā ese mai fale o aiga.
A o taumafai galuega faamamā aemaise ai o le sailia pea o nisi e oo mai i le asō o loo sue pea i nei vaega o le atunuu, ae o le fautuaga ua tuuina mai o le faaaoga o le ufi fofoga, totigilima ma ia faamautinoa o loo laeiina ofu e puipuia ai mai le tele o le siama.
E lua nofoaga ua tatala mai le asō e mafai ona la’u iai ma lafoai iai le tele o otaota nei.
Ae ua ta’ua e nisi i Gisborne, e le faigofie le eliina o palapala to’a ona o le lapopo’a tele ma e moomia ai ni masini.
