E talitonu leoleo o le maliu o le tagata e suafa ia Fuk Fu Joseph Kwok na tupu i le vaeluaga o le po o le Aso Toonai i Aukilani e pei ona saunoa ai le leoleo suesue o Scott Beard i le aufaasalalau i le asō.
O loo iai le popolega o leoleo e foliga o loo i se tulaga faaletonu foi le toalua o lē ua maliu lea o loo tau sailia pea.
E tele manu’aga sa aafia ai lē ua maliu e pei ona faailoa i le lipoti ae fai mai malu o le malo e lei maua lava se faamatalaga poo fea tonu o iai Mei Han Chong le toalua o lē ua maliu faapea foi ma le taavale lanumoana o le Kia Rio lea e tau sailia.
O le faamatalaga a leoleo o loo popole i le saogalemu o lea tina a o faaauau ai pea le suesuega i lenei faalavelave.
O le fale i Ellerslie na maua atu ai Joseph ua maliu ma e 66 tausaga o lona soifua.
