E lua lelei ni faatanoa vai tetele o loo popole iai le faigamalo ma tagata i Adelaide i Ausetalia i Saute ina ne’i ova i luga le vai ma tele sona aafiaga i aiga e aumau lalata ane ona o le mamafa o timuga i le taimi nei i lea itu o le atunuu.

Ua fai si umi o toulu timuga i lea faaitu o Ausetalia i Saute ma o lipoti a le aufaasalalau mai lea pitonuu ua ta’ua ai le aveese uma mai o aiga o loo lalata ane o latou fale ona o puipuiga mo le saogalemu ae o le isi popolega tele ona e le o mamao ese foi isi faatanoa mai le nofoaga lea, o lona uiga afai e faatetele pea le suavai timu ma oso i luga le suavai ma isi faatanoa ia o le a telē sona aafiaga.

O le tala mai le vaaitau e lē lelei foi le tau i le asō mo Ausetalia i Saute ae o loo lipotia foi le ataata ane o se isi vaega malulu o le tau e afua ai foi savili malolosi ma isi foi timuga.

O lea vaega malulu o le tau o le a oo ina faasolo ane i Vitoria ma o loo lapataia ai foi i savili malolosi.