Ua iai le popolega o fomai i le faaopoopo pea ole tele o le lamatiaga o tagata mai le aafia i le misela ao maitauina ai pea le faaitiitia o le aofai o tagata e agai e faia tuipuipui.
O le toatele o le pasese na malaga ane ile faigamalaga mai Indonesia pei ona lipotia atu i le vaiaso talu ai ma ua faailoa e le soifua maloloina ua maua nisi o le pasese o le malaga lea peitai e toalima isi o loo tau sailia pea.
Ua fautua mai fomai o soo se tasi e masalomia ua maua i le faamai e tatau loa ona vaai vave se fomai. O le tausaga nei e tasi le tagata ua faamaonia le maua i le misela. E 77 pasene o tamaiti mai le 18 masina agai i luga ua maea ona faia uma tui puipui amata mai a’o laiti, e pau le aofai lea i tamaiti pasefika ma Maoli. O le misela e mafai ona aafia ai ma matuai gasegase lava ma iu foi ina maliu ai,
I le 2019 i totonu o Niu SIla e 700 na faataotolia ai i le falemai ona o faiga a le misela.
